Last Modified: February 29 2012 14:40:57.

മാഘമാസം മല്ലികപ്പൂ കോര്‍ക്കും കാവില്‍
മേഘമാകും തിരശ്ശില നീങ്ങും രാവില്‍
അഷ്ടപദീഗാനങ്ങള്‍ അലയിളകി
അനുരാഗം ഈണത്തില്‍ വീണമീട്ടി
(മാഘമാസം)

മുഖമാകും താമരയില്‍ നിലാവൊരുക്കി
മനമാകും പൂമൊട്ടില്‍ മധുചുരത്തി
മാധവനെത്തേടിനിന്ന രാധയായി
മലര്‍മെയ്യാള്‍ കാത്തിരുന്നു വിവശയായി
(മാഘമാസം)

കുളിരോലും വള്ളിക്കുടിലില്‍ അനംഗനെത്തി
ശരമാരിപെയ്യും മദനരംഗമാക്കി
നീലവര്‍ണ്ണ നീര്‍പ്പുഴകള്‍ നിറഞ്ഞൊഴുകി
രാജഹംസലീലയാലെ കലാശമാടി
(മാഘമാസം)