Last Modified: February 29 2012 14:40:51.

അടുക്കുംതോറും അകലേ അകലേ സമസ്യയാകും സംക്രമങ്ങള്‍
അകലുംതോറും തീരമണയും ജന്മമേതോ ബന്ധനം
അനന്തതേ അപാരതേ കാവല്‍ നില്‍ക്കും കാലമേ സാക്ഷി

ഹൃദയരാഗം തരളമാകും നിമിഷമുണരും സുകൃതങ്ങളേ
അഭയമന്ത്രം ആശാതരംഗം കനവിലാളും കൈവല്യനാളം
ഇരുളിലലിയുന്നു മിധുരാത്മഗീതം വ്യർത്ഥതാളങ്ങളോ
മറയുന്ന ജലരേഖയോ വിധിയുടെ ലയഭംഗമോ
(അടുക്കുംതോറും അകലേ)

മുഖപടങ്ങള്‍ ചിതറി വീഴും നിഴലില്‍ വിങ്ങും വ്യാമോഹമേ
ചുവരില്ലാതെ എഴുതുന്ന ചിത്രം മധുവില്ലാതെ കൊഴിയും വസന്തം
തിരിയിലെരിയുന്നു നിര്‍മാല്യ ശലഭം ജന്മശാപങ്ങളോ
ജനിമൃതി ദുഃഖങ്ങളോ ജഗതി തന്‍ ജഗജാലമോ
(അടുക്കുംതോറും അകലേ)