Last Modified: July 16 2022 14:06:50.

കനൽക്കാറ്റിലെങ്ങോ മറഞ്ഞോരു മൈനേ
മഴക്കാലമായി പറന്നിങ്ങു വാ നീ....
കാതോർത്തിരിപ്പൂ സ്നേഹാർദ്ര ചന്ദ്രൻ
ഈ അല്ലിയാമ്പൽ നിലാവിൽ മയങ്ങി...
സഖീ കാണ്മു നിന്നെ കിനാവിൽ വിലോലം
നിറം വാർന്ന തൂവൽ തിരിച്ചൊന്നു താ നീ....

മൺവീണ തേടും ശ്രുതി......
കൺകോണിലേറും മൊഴി.....
വെൺപിറാക്കൾ നൃത്തമാടും ആ വിലാസയാമമൊന്നിൽ
ഈ മർമ്മരങ്ങൾ തുഴഞ്ഞെത്തുമേതോ
കാറ്റിന്റെ കണ്ണിൽ അലിഞ്ഞീറനാവാം....
കനൽക്കാറ്റിലെങ്ങോ മറഞ്ഞോരു മൈനേ
മഴക്കാലമായി പറന്നിങ്ങു വാ നീ....
ഉം....ഉം...ഉം.....