Last Modified: June 17 2012 07:42:20.

ഏകാന്തതീരങ്ങളെ തഴുകും
കൌമാരലാവണ്യമേ...
ഞാൻ‌ കാണും സ്വപ്നങ്ങളെ പൊതിയും
ശാലീനസൌഗന്ധികേ....
നിന്റെ ഭാവങ്ങളില്‍ നിന്നുമെന്റെയുള്ളില്‍
പൂത്തുനില്‍ക്കും മോഹം പോലെ
തേനൂറും പൂക്കള്‍ താലങ്ങളേന്തും
ആരാമവീഥിയിലെന്‍ നിഴലായ്
നീ വരൂ രാഗവതീ...ഇതിലേ..
നീ വരൂ രൂപവതീ...
(ഏകാന്തതീരങ്ങളെ.....)

ആശതന്‍ ഹിമമാരിയില്‍
നനയുമെന്‍ സുഖചിന്തയില്‍
പൂവിടാന്‍ വരും ശശികലേ...
കരളിൽ നിന്‍ കുളിരലയായ്....
ഒരു ഹംസമായ് ഞാന്‍ നീന്തി വരുന്നു
നീലവിശാലതയില്‍...
അണയൂ എന്നില്‍ നീ നിര്‍വൃതിയായ്‌
നിറയൂ എന്നുമെന്‍ ചേതനയില്‍....
(ഏകാന്തതീരങ്ങളെ.....)

ആയിരം മഴവില്ലുകള്‍
വിരിയുമീ ഋതുഭംഗിയില്‍
നീയൊരു മധുകലികയായ്
ഹൃദയമാം മലര്‍വനിയില്‍
ജന്മങ്ങള്‍ തോറും നീ വന്നു മീട്ടും
മാദക രാഗങ്ങളില്‍
ഉതിരും ആദിമ പ്രേമസ്വരം
പകരൂ...എന്നില്‍ നിന്‍ ജീവകണം....
(ഏകാന്തതീരങ്ങളെ.....)