Last Modified: February 29 2012 15:07:57.


മ്....മ്...
ചിത്രം ഒരു ചിത്രം മനസ്സില്‍ ഞാനെഴുതി
നിന്റെ ചിത്രം അതിനേഴുവര്‍ണ്ണം
ശില്‍പ്പം ഒരു ശില്‍പ്പം മനസ്സില്‍ ഞാനൊരുക്കി
മനസ്സില്‍ അതു ചാരുശില്‍പ്പം

ഒളിയമ്പെയ്യും കണ്ണിണയാകെ
അനുരാഗമാസ്മരനാളം
മോഹമുണര്‍ത്തും ചൊടികളിലാകെ
മധുരം തൂകും പൂവ്
പൂപെറുക്കാന്‍ വാ വാ
മധുരംനുണയാന്‍ വാ വാ

തീരം പുല്‍കും തിരയുടെ ചുണ്ടില്‍
ഒരു രാഗമോഹന ഗാനം
ആരും കാണാക്കരളിന്നുള്ളില്‍
പവിഴപ്പൂമണിമുത്ത്
ഗാനം പാടാന്‍ വാ വാ
മുത്തുകള്‍ വാരാന്‍ വാ വാ