Last Modified: February 29 2012 14:36:16.


എത്ര കണ്ടാലും കൊതി തീരുകില്ലെനി-
ക്കെത്ര കണ്ടാലുമീ ചിത്രം
ഹർഷ കുതൂഹലം പീലി വിടർത്തുമീ
ഹംസ ദമയന്തീ ചിത്രം

മാനസ പൊയ്ക തൻ തീരത്തൊരു കാലം
ഞാനും ഇതുപോലിരുന്നതല്ലേ
ആശകളാകുമരയന്നങ്ങളെ
ദൂതിനായ്‌ ഞാനുമയച്ചതല്ലേ
(എത്ര കണ്ടാലും)

ഈ നല്ല രാത്രിയിൽ നാമലിഞ്ഞൊന്നുചേ-
ര്‍ന്നാനന്ദ നിർവൃതി പുൽകിടുമ്പോൾ
ഈ ദമയന്തി തൻ രാജകുമാരന്റെ
പ്രേമസാമ്രാജ്യം എനിക്കല്ലേ
(എത്ര കണ്ടാലും)