ഒടുവില്‍ നീയും നിന്റെ ദുഃഖങ്ങളും (താറാവ് )
This page was generated on March 28, 2024, 2:38 pm UTC
വിശദവിവരങ്ങള്‍
വര്‍ഷം 1981
സംഗീതംകെ ജെ യേശുദാസ്
ഗാനരചനഓ എന്‍ വി കുറുപ്പ്
ഗായകര്‍കെ ജെ യേശുദാസ്
രാഗംലഭ്യമല്ല
അഭിനേതാക്കള്‍മധു ,റാണി പത്മിനി ,മാള അരവിന്ദൻ
ഗാനത്തിന്റെ വരികള്‍
Last Modified: February 29 2012 15:05:44.

ഒടുവില്‍ നീയും നിന്റെ ദുഃഖങ്ങളും
ഒരു കൊച്ചുതോണിയും മാത്രം
പിന്നില്‍ പകലിന്‍ ചിതയെരിയുന്നു
മുന്നിലിനിയൊരു തീരമുണ്ടോ
(ഒടുവില്‍)

വിധിയൊരു കല്ലെടുത്തെറിഞ്ഞു
പക്ഷികള്‍ പലപാട് പാറിപ്പറന്നു
ഹരിതവനങ്ങളിലഗ്നിപടര്‍ന്നു
മരണം സടകുടഞ്ഞുണര്‍ന്നു
നിന്‍ പ്രിയഹരിണങ്ങള്‍ വീണുപിടഞ്ഞു
വീണുപിടഞ്ഞു...
തീയലമാലകള്‍ ഉയര്‍ന്നുപാറും
തീരമേ വിടനല്‍കൂ
(ഒടുവില്‍)

കദളീവനക്കുളുര്‍നിഴലില്‍ നിന്നുടെ
കളിവീട് കത്തിയെരിഞ്ഞു
അരിമണി നല്‍കി വളര്‍ത്തിയ പ്രാവുകള്‍
അവിടെ ചിറകറ്റു പിടഞ്ഞു
ജീവിതശിഖരങ്ങള്‍ എത്ര കരിഞ്ഞു
എത്ര കരിഞ്ഞു...
തിരഞ്ഞു പോകും തീരത്തെത്താന്‍
തിരകളേ വഴി നല്‍കൂ
(ഒടുവില്‍)



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts