കാക്കാലൻ കളിയച്ഛന്‍ (വളര്‍ത്തുമൃഗങ്ങള്‍ )
This page was generated on March 28, 2024, 6:33 pm UTC
വിശദവിവരങ്ങള്‍
വര്‍ഷം 1981
സംഗീതംഎം ബി ശ്രീനിവാസന്‍
ഗാനരചനഎം ടി വാസുദേവന്‍ നായര്‍
ഗായകര്‍കെ ജെ യേശുദാസ്
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: November 06 2012 05:10:58.


കാക്കാലന്‍ കളിയച്ഛന്‍
കണ്ണുതുറന്നുറങ്ങുന്നു
കരിമറയ്ക്കകം ഇരുന്നു
വിരല്‍ പത്തും വിറയ്ക്കുന്നു

കിഴവന്റെ കൈത്തുമ്പില്‍ ചരടുകളിളകുമ്പോള്‍
കരയുന്നു ചിരിക്കുന്നു പൊരുതുന്നു മരിക്കുന്നു
കളിയരങ്ങത്തു നൂറു വീരശൂര നായകന്മാര്‍

പളുങ്കുമുത്തുകള്‍ പഞ്ഞിക്കിരീടങ്ങള്‍
കിന്നരികളിളകിയാടുന്നു
പടയാടുന്നു യുവരാജന്‍
അണിയറപ്പടിയിലെ ചെറുവെട്ടപ്പൊളിയില്‍
അന്തഃപുരത്തട്ടിൽ നിന്നു
നൂറു പ്രാര്‍ത്ഥനപ്പൂ പൊഴിയുന്നു
പ്രാര്‍ത്ഥനപ്പൂ പൊഴിയുന്നു

തുരുത്തുത്തുരൂ...............

കരിമറതാഴുമ്പോള്‍ കാക്കാലനുണരുമ്പോള്‍
ചിരിച്ചവര്‍ കരഞ്ഞവര്‍ മരിച്ചവര്‍ മടങ്ങുന്നു
കീറമാറാപ്പുകള്‍ക്കുള്ളില്‍ കള്ളറയില്‍ മറയുന്നു
കള്ളറയില്‍ മറയുന്നു

malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts