Last Modified: February 29 2012 15:05:08.


അനുരാഗ വല്ലരി കടിഞ്ഞൂൽ കായ്ച്ചു
ആവണി അവിട്ടം നാളിൽ (അനുരാഗ)
എൻ മനമാകും തൊട്ടിലിലാടി
ജന്മജന്മാന്തര പുണ്യം (അനുരാഗ)

ഉപ്പും ചോറും നൽകുവാനുണ്ണിയെ
ഗുരുവായൂർ കൊണ്ടുപോകും (ഉപ്പും)
കമലായദാക്ഷൻ കമലാകാന്തൻ
തങ്കക്കുടത്തെ അനുഗ്രഹിക്കും - എന്റെ
തങ്കക്കുടത്തെ അനുഗ്രഹിക്കും (അനുരാഗ)

മോഹം പോലെ നീ വളരുമ്പോൾ
ജീവിതം പൂവണിയും - എൻ
ജീവിതം പൂവണിയും (മോഹം)
താലോലമാടി താരാട്ടു പാടി
കന്മണിയെ ഞാൻ വളർത്തും - എന്റെ
കന്മണിയെ ഞാൻ വളർത്തും (അനുരാഗ)

ഉം...ഉം....