ഓമൽ കലാലയ വർഷങ്ങളേ (കോളിളക്കം )
This page was generated on April 22, 2021, 10:29 pm UTC
വിശദവിവരങ്ങള്‍
വര്‍ഷം 1981
സംഗീതംഎം എസ്‌ വിശ്വനാഥന്‍
ഗാനരചനബിച്ചു തിരുമല
ഗായകര്‍ജോളി അബ്രഹാം ,വാണി ജയറാം
രാഗംലഭ്യമല്ല
അഭിനേതാക്കള്‍സുകുമാരന്‍ ,മീന മേനോൻ ,പികെ അബ്രഹാം
ഗാനത്തിന്റെ വരികള്‍
Last Modified: February 29 2012 15:05:07.
എത്രയോ വികാരങ്ങള്‍
എത്രയോ സങ്കല്പങ്ങൾ‍
എത്രയോ വ്യാമോഹങ്ങള്‍
ഇത്ര നാള്‍ പങ്കിട്ടു നാം
ഇതിലോടിനി നമ്മള്‍ക്കന്യോന്യം സമര്‍പ്പിക്കാന്‍
രണ്ടു വാക്കുകള്‍ കൂടി
ഓര്‍മ്മിക്കു വല്ലപ്പോഴും

ഓമല്‍ കലാലയ വര്‍ഷങ്ങളേ
ഒരായിരം കൂട്ടുകാരെ (2)
ഒന്നായ് കഴിഞ്ഞ നാം ഈ ദിനത്തില്‍
ഓരോ വഴിക്കിതാ യാത്രയായ് (2)
ഈ വേളയില്‍ ഈ യാത്രയില്‍
ഈറന്‍ മിഴികള്‍ക്കു വിട നല്‍കൂ
വിട നല്‍കൂ വിട നല്‍കൂ വിട നല്‍കൂ
( ഓമല്‍...)

ആയിരം സങ്കല്പ സ്വപ്നങ്ങള്‍ പൂത്തതാണോമല്‍
കലാലയ വര്‍ഷങ്ങളില്‍
ആരോടുമൊന്നുമേ മിണ്ടാതെ മൂകരായ് മൂവരും
എങ്ങോ മറഞ്ഞു പോയി

ഓടിവന്നോടി വന്നെങ്കിലും നിങ്ങള്‍ തന്‍
ഓര്‍മ്മകള്‍ ഞങ്ങളെ പുല്‍കുമെന്നും
ഓരോ വിനാഴിക പോലുമുള്ളിന്നുള്ളില്‍
ഓടിക്കളിക്കുന്നതായിരുന്നു
ഈ വേളയില്‍ ഈ യാത്രയില്‍
ഇടറും പദങ്ങൾക്കു വിട നല്‍കൂ
വിട നല്‍കൂ ..വിട നല്‍കൂ ..വിട നല്‍കൂ ...
( ഓമല്‍...)

ഈ കലാശാല തന്‍ ആരാമ വീഥിയില്‍
ഈ വസന്തോത്സവ പുഷ്പങ്ങള്‍ നാം
ഇതള്‍ വീശിയാടിയും ഈണത്തില്‍ പാടിയും
ഇവിടെ നാം നിര്‍മ്മിച്ചതേതു ലോകം
ഇനിയുമീ വാടിയില്‍ പല വസന്തങ്ങളില്‍
അരിയ പൂച്ചെണ്ടുകള്‍ പീലി വീശും
ഇതു പോലെ വേര്‍പെടും നിമിഷങ്ങളോടി വ-
ന്നിനിയും നനയ്ക്കും മിഴിത്താരുകള്‍
ഈ വേളയില്‍ ഈ യാത്രയില്‍
ഈ കൂപ്പു കൈകള്‍ക്ക് വിട നല്‍കൂ
വിട നല്‍കൂ ..വിട നല്‍കൂ ..വിട നല്‍കൂ ...



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts