Last Modified: February 29 2012 15:05:02.
 

മാനിഷാദ മാനിഷാദ മാനിഷാദ
ആദികവിയുടെ ഹൃദയം പാടിയ ധർമ്മസംഗമമന്ത്രം
മാനിഷാദ ..
യുഗപരിവർത്തന വീഥിയിലുണർന്ന ആദ്യ സന്ദേശ ഗീതം
മാനിഷാദ മാനിഷാദ


പൊയ്മുഖമഴിഞ്ഞ പുഞ്ചിരികൾക്കിന്നെന്തൊരു മാധുര്യം
ആ മധുരിമയിൽ സ്വയമലിയും
മാനവസ്വപ്നങ്ങൾക്കോ നൊമ്പരം
നൊമ്പരമിന്നേറ്റു പാടുന്നു
മാനിഷാദ..മാനിഷാദ...


വഞ്ചന നിറഞ്ഞ ഹൃദയങ്ങൾക്കിന്നെന്തൊരു സ്വാതന്ത്ര്യം
ആ വിഷമയ വേദിയിൽ പിടയും മൗന
സത്യങ്ങൾക്കോ വേദന
വേദന ഇന്നേറ്റു പാടുന്നു
മാനിഷാദ മാനിഷാദ...
(ആദികവിയുടെ...)