Last Modified: February 29 2012 15:04:40.

വരുമോ മലർവനികളിൽ വരുമോ
തരുമോ തിരുമധുരസം തരുമോ
വിഷുക്കിളി പാടും പാട്ടിൻ
ഈണം ചുണ്ടിൽ താളം തുള്ളവേ
മനസ്സുകൾ കാണും സ്വപ്നതീരം
നെഞ്ചിൽ മോഹം തീർക്കവേ
(വരുമോ...)

ഹൃദയം പാടും ഗാനം കേൾക്കാൻ
പ്രിയതമനെന്തിനീ രാഗോത്സവങ്ങൾ (2)
മിഴികളിൽ പൂക്കും കതിരുകളായ് ഞാൻ
കരളിൽ വിതറും കനവിൽ മണികൾ ആരാധനയോടെ
അധരം നുകരും മധുപൻ മധു പോൽ ആലസ്യത്തൊടേ
(വരുമോ...)

കവിളിൽ നാണം തളിരണിയുമ്പോൾ
പ്രിയനവൻ എന്നെയും പുണരാൻ വരും(2)
അംബരവീഥിയിൽ മുകിലുകൾ പോലെ (2)
അലിയും അവനിൽ ഒരു കടൽത്തിരയായ് ആരും കാണാതെ
ചൊരിയും അവനിൽ മൃദുലവികാരം തോഴികളറിയാതെ
(വരുമോ...)