Last Modified: February 29 2012 15:02:07.


അനുമോദനത്തിന്റെ പൂച്ചെണ്ടുകൾ
അഭിവാദനത്തിന്റെ നിറമാലകൾ
ഇന്നലെ പാകിയ സ്വപ്നത്തിൻ നെൽച്ചെടി
ഇന്നു നിങ്ങൾക്കേകി കതിർമാലകൾ
(അനുമോദന)

മലരിലെ മധുവും മാനത്തെ വിധുവും
മനതാരിലൊന്നിക്കും കാലം ഈ മധുവിധു കാലം
വേനൽ വസന്തമായ്‌ തോന്നുന്ന കാലം
കയ്പ്പും മധുരമായ്‌ മാറുന്ന കാലം ഈ മധുവിധു കാലം
(അനുമോദന)

ഇരു വഴി വന്നു ഇണചേർന്നു പോകാൻ
ഇനി സ്നേഹസാഗരം പൂകാൻ ഈ സംഗമം ധന്യം
കാലം കനിഞ്ഞതീ കല്യാണമാല്യം
ഉയരം താഴ്ചയെ പുണരുന്ന ചിത്രം
ഈ സംഗമം ധന്യം
(അനുമോദന)