Last Modified: February 29 2012 15:01:14.
അക്കരപ്പച്ച തേടിപ്പോയോളേ നീ
ഇക്കരയ്ക്കുടൻ തോറ്റുപോരുകയോ
(അക്കരപ്പച്ച....)
അജ്ഞാതവാസം മടുത്തുപോയോ
നീ ആശിച്ച മധുവിധു മതിയായോ
നീ ആശിച്ച മധുവിധു മതിയായോ
(അക്കരപ്പച്ച.....)

ആളിപ്പടർന്ന നിൻ ആവേശമൊക്കെയിപ്പോൾ
ആറിത്തണുത്തുപോയോ നീ
ആകെത്തളർന്നുപോയോ
പെൺബുദ്ധി എപ്പോഴും പിൻബുദ്ധി അതിൽ
നിൻ ബുദ്ധി അവിവേക കുരങ്ങുബുദ്ധി
(പെൺബുദ്ധി....)
(അക്കരപ്പച്ച.....)

മായയാം പൊന്മാനായ് മതിഭ്രമമുണർത്തുന്ന
മാരീചനാണു മോഹം പെണ്ണേ മാരീചനാണു മോഹം
(മായയാം....)
അയലത്തെ സ്വർഗ്ഗത്തെ തേടാതെ നീ
ആത്മാവിൻ സ്വർഗ്ഗത്തെ സ്വീകരിയ്ക്കൂ
(അയലത്തെ....)
(അക്കരപ്പച്ച.....)