മായയാം മരീചൻ (മാനസവീണ )
This page was generated on March 28, 2024, 8:44 pm UTC
വിശദവിവരങ്ങള്‍
വര്‍ഷം 1976
സംഗീതംഎം എല്‍ ശ്രീകാന്ത്‌
ഗാനരചനശ്രീകുമാരൻ തമ്പി
ഗായകര്‍കെ ജെ യേശുദാസ്
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: June 04 2018 07:18:47.

മായയാം മാരീചൻ മുൻപേ
മനസ്സെന്ന ശ്രീരാമൻ പിൻപേ
മോഹമാം മൈഥിലിദേവിതൻ മുന്നിൽ
ദാഹാർത്തനായ് വരും വിധിയെന്ന രാവണൻ
(മായയാം..)

ഓടിത്തളരുന്ന മനസ്സിന്റെ ബാണം
ഒരിക്കലുമേൽക്കാതെയോടുന്നു മായ
വനവീഥികളെ കൈവെടിയുന്നു
മാനത്തു മറയുന്നു വിരഹിണി സീത
(മായയാം...)

തേടിത്തളരുന്ന ദുഃഖമേ നിന്നെ
തിരക്കി വരില്ലിനി മായുന്ന മോഹം
ജീവിതമാകും രാമായണത്തിൽ
രാവണനാം വിധി വിജയിയാണെന്നും
(മായയാം..)



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts