Last Modified: February 29 2012 15:00:38.

പുലയനാർ മണിയമ്മ പൂമുല്ല കാവിലമ്മ
കലമാന്റെ മിഴിയുള്ള കളിതത്തമ്മ
ആളിമാരൊത്തുകൂടി ആമ്പൽപൂംകടവിങ്കൽ
ആയില്യ പൂനിലാവിൽ കുളിക്കാൻ പോയി
(പുലയനാർ)

അരളികൾ പൂക്കുന്ന കരയിലപ്പോൾ നിന്ന
മലവേടച്ചെറുക്കന്റെ മനം തുടിച്ചു
അരളികൾ പൂക്കുന്ന കരയിലപ്പോൾ നിന്ന
മലവേടച്ചെറുക്കന്റെ മനം തുടിച്ചു
അവളുടെ പാട്ടിന്റെ ലഹരിയിൽ അവൻ മുങ്ങി
അവളുടെ പാട്ടിന്റെ ലഹരിയിൽ അവൻ മുങ്ങി
ഇളംകാറ്റിൽ ഇളകുന്ന വള്ളിപോലെ
(പുലയനാർ)

കേളി നീരാട്ടിനു കളിച്ചിറങ്ങി
അവൾ താളത്തിൽ പാട്ടുപാടി തുടിച്ചിറങ്ങി
കേളി നീരാട്ടിനു കളിച്ചിറങ്ങി
അവൾ താളത്തിൽ പാട്ടുപാടി തുടിച്ചിറങ്ങി
അവളുടെ നെറ്റിയിലെ വരമഞ്ഞൾക്കുറിയാലെ
അവളുടെ നെറ്റിയിലെ വരമഞ്ഞൾക്കുറിയാലെ
അരുവിയിൽ ചെമ്പൊന്നിൻ പൊടി കലങ്ങി
(പുലയനാർ)