Last Modified: February 29 2012 15:00:32.


 ഉത്തരം കിട്ടാത്ത ചോദ്യം -മനുഷ്യന്‍
ഉത്തരം കിട്ടാത്ത ചോദ്യം
തൊട്ടിലില്‍ കിടത്തിയതു ജനനി
താലികെട്ടിയയച്ചതു താതന്‍
കട്ടിലില്‍ കിടത്തിയതു കാന്തന്‍-ഇനി
പട്ടടക്കു തീകൊളുത്താനാരോ -അമ്മേ
നിന്‍ പട്ടടക്കു തീകൊളുത്താനാരോ!

മുത്തെടുത്ത ചിപ്പിയിതു വെറും ദേഹം
സത്തെടുത്തു വലിച്ചെറിഞ്ഞ പുറംചിരട്ട
ഒക്കുകില്ല ഭുവനത്തിലൊരു കയ്യിനും ഈ
കെട്ടുപോയ കരിന്തിരി വീണ്ടും കൊളുത്താന്‍

കൈപിടിച്ച നാളുതൊട്ടേ കൂടെ നടന്നൂ
കാഴ്ചപോയ സമയത്തും കണ്ണായിരുന്നൂ
കൂടെവന്നു നീ നടന്നപാതകള്‍ തോറും -ഇപ്പോള്‍
കൂടെപ്പോകാന്‍ കഴിയാതെ നീ തനിച്ചായല്ലോ
നീ തനിച്ചായല്ലോ നീ തനിച്ചായല്ലോ