നക്ഷത്രങ്ങളേ സാക്ഷി (നഖങ്ങൾ )
This page was generated on March 29, 2024, 7:53 am UTC
വിശദവിവരങ്ങള്‍
വര്‍ഷം 1973
സംഗീതംജി ദേവരാജന്‍
ഗാനരചനവയലാര്‍ രാമവര്‍മ്മ
ഗായകര്‍കെ ജെ യേശുദാസ് ,കോറസ്‌
രാഗംലഭ്യമല്ല
അഭിനേതാക്കള്‍രാഘവന്‍ ,മധു ,കെ ആർ വിജയ ,അടൂര്‍ ഭാസി ,ബഹദൂർ
ഗാനത്തിന്റെ വരികള്‍
Last Modified: March 26 2012 02:27:23.


നക്ഷത്രങ്ങളേ സാക്ഷി
നവഗ്രഹങ്ങളേ സാക്ഷി
യാത്രയായീ അന്ത്യയാത്രയായീ
ഈ യാഗഭൂമിയിലെ രക്തസാക്ഷീ (നക്ഷത്രങ്ങളേ)

രക്തം- മനുഷ്യരക്തം
വീണു കുതിര്‍ന്നു ചുവക്കുമീ മണ്ണില്‍
കുതിര്‍ന്നു ചുവക്കുമീ മണ്ണില്‍
എത്ര നാളുകള്‍ ഉറച്ചുനില്‍ക്കുമീ പ്രഭുത്വദുര്‍ഗം
എത്ര നാള്‍ കൊടുങ്കാറ്റുകള്‍ തടഞ്ഞു നിര്‍ത്തും
ഘാതകരേ കശ്മലരേ നിശാചരരേ
ഈ നീതിമാന്റെ രക്തത്തില്‍ നിങ്ങള്‍ക്കു പങ്കില്ലേ
പങ്കില്ലേ പങ്കില്ലേ പങ്കില്ലേ ഓ ഓ ഓ (നക്ഷത്രങ്ങളേ)

രാത്രി ഇരുണ്ട രാത്രി
കാലത്തുണര്‍ന്നു ചിരിക്കുമീ കാട്ടില്‍
ഉണര്‍ന്നു ചിരിക്കുമീ കാട്ടില്‍
നാളെ ഞങ്ങളില്‍ ഉയിര്‍ത്തെണീക്കുമീ
കറുത്ത മരണം
ശക്തിയായ് പ്രതികാരമായ് ഉയിര്‍ത്തെണീക്കും
നിന്ദിതരേ പീഡിതരേ നിരാശ്രയരേ ഈ
നീതിമാന്റെ ദു:ഖത്തില്‍ നമ്മള്‍ക്കു പങ്കില്ലേ
പങ്കില്ലേ പങ്കില്ലേ പങ്കില്ലേ ഓ ഓ ഓ (നക്ഷത്രങ്ങളേ)




malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts