Last Modified: February 29 2012 14:57:37.

ചിത്രശിലാപാളികള്‍ കൊണ്ടൊരു
ശ്രീകോവിലകം ഞാന്‍ തീര്‍ത്തു
അതില്‍ നിത്യമെനിയ്ക്കാരാധിക്കാന്‍ നിന്റെ
വിഗ്രഹം കണ്ടെടുത്തു

നീയാം മേനക നൃത്തംവെയ്ക്കും
നാല്‍പ്പാമരക്കാട്ടില്‍
ഏതോ പുഷ്പശരം കൊണ്ടിന്നലെ
എന്റെ തപസ്സിളകി കാമിനീ
എന്റെ തപസ്സിളകി
(ചിത്രശിലാപാളികള്‍ )

നീയാം ഗായിക തംബുരു മീട്ടും
നവരാത്രിമണ്ഡപത്തില്‍
നിന്റെ രതിസുഖസാരേ കേട്ടി-
ട്ടെന്റെ മനസ്സിളകി കാമിനീ
എന്റെ മനസ്സിളകി
(ചിത്രശിലാപാളികള്‍)