Last Modified: February 29 2012 14:56:43.

സ്വപ്നമെന്നൊരു ചിത്രലേഖ
സ്വർഗ്ഗ നർത്തകി ചിത്രലേഖ
ഒരു സുന്ദരിതൻ വർണ്ണ ചിത്രം
ഉള്ളിൽ വരച്ചു നെഞ്ചിനുള്ളിൽ വരച്ചു (സ്വപ്ന)

നൂറു മനോരാജ്യങ്ങൾ കണ്ടു
നൂറു മുഖച്ഛായകൾ കണ്ടു
അവയൊന്നുമിത്രനാളെൻ വികാരങ്ങളെ
അണിയിച്ചൊരുക്കിയിട്ടില്ല
നിത്യ സഖീ സ്വപ്ന സഖീ
നീയെന്റെ ഹൃദയേശ്വരി (സ്വപ്ന)

നൂറു മൃദുസ്മേരങ്ങൾ കണ്ടു
നൂറു കടക്കണ്മുനകൾ കൊണ്ടു
അവയൊന്നുമിത്രമേലെന്റെ ദാഹങ്ങളെ
അടിമപ്പെടുത്തിയിട്ടില്ല
നിത്യ സഖീ സ്വപ്ന സഖീ
നീയെന്റെ ഹൃദയേശ്വരി (സ്വപ്ന)