Last Modified: February 29 2012 14:56:36.


ഉത്തരായനക്കിളി പാടി ഉന്മാദിനിയെപ്പോലെ
പൊന്നും വളയിട്ട വെണ്ണിലാവേ
നിന്നെ ഒന്നു ചുംബിച്ചോട്ടേ
ഉത്തരായനക്കിളി പാടി

കുറുനിരകൾ മാടിയൊതുക്കി
കുനുകൂന്തൽ നിറുകയിൽ കെട്ടി
അരയിൽ ജഗന്നാഥന്‍ പുടവ ചുറ്റി
മുത്തോലക്കുട ചൂടി മൂവന്തി പുഴ നീന്തി
മൺവിളക്കുമേന്തി വരും വെണ്ണിലാവേ
എൻ വികാരം നിന്നിൽ വന്നു നിറയുകില്ലേ
ഒരു നാൾ നിറയുകില്ലേ
ഉത്തരായനക്കിളി പാടി

മലർമിഴിയാൽ കവിതയുണർത്തി
മധുരസ്മിതം ചുണ്ടിൽ വിടർത്തി
മാറിൽ കസവുള്ള കച്ച കെട്ടി
കർപ്പൂര തളികയുമായ്‌ കസ്തൂരി തിലകവുമായ്‌
നൃത്തമാടിയാടി വരും പെൺകിടാവേ
നിന്റെ ദാഹം എന്നിലേക്കു പകരുകില്ലേ
ഒരു നാൾ പകരുകില്ലേ

ഉത്തരായനക്കിളി പാടി ഉന്മാദിനിയെപ്പോലെ
പൊന്നും വളയിട്ട വെണ്ണിലാവേ
നിന്നെ ഒന്നു ചുംബിച്ചൊട്ടേ
ഉത്തരായനക്കിളി പാടി