Last Modified: February 29 2012 14:56:26.
tharathilum tharuvilum tharilum


താരത്തിലും തരുവിലും താരിലും
പുലരി വിടരുന്ന നേരമടരും മഞ്ഞുതുള്ളിയിലും
ഈടുറ്റ പാറയിലുമിടറുന്ന തെന്നലിലു-
മൊഴുകുന്ന ചൂര്‍ണിയിലുമമരും പരംപൊരുളെ
അരവിന്ദബിംബമധുരപ്രഭാകന്ദളവും
അനിലന്റെ വിശ്വവിജയാനന്ദഗീതവും
ആദിമദ്ധ്യാന്തമറിയാത്ത വാനില്‍
വര്‍ണ്ണഭേദഭാവങ്ങളും നിന്‍ കലാവിദ്യകള്‍!
ഗാനങ്ങളില്‍ രാഗഭാവങ്ങളായ്‌,
ജീവവാനങ്ങളില്‍ സ്നേഹദീപ്തിഗോളങ്ങളായ്‌,
വേദങ്ങളില്‍ സത്യനാദങ്ങളായ്‌
ദുഖമേഘങ്ങളില്‍ മാരിവില്ലായ്‌ ലയിപ്പൂ നീ!