Last Modified: February 29 2012 14:56:25.
മാവേലി വാണൊരു കാലം
മറക്കുകില്ലാ - മറക്കുകില്ലാ
മറക്കുകില്ലാ മലയാളം
മറക്കുകില്ലാ മലയാളം (മാവേലി )

കള്ളമില്ലാ ചതിയില്ലാ
കണ്ണുനീരില്ലാ
കനകം മൂലം കാമിനി മൂലം
കലഹങ്ങളുമില്ലാ
കലഹങ്ങളുമില്ലാ (മാവേലി )

മത്സരത്തിന്‍ മന്ത്രം ചൊല്ലും
മതങ്ങളന്നില്ലാ
മത്സരത്തിന്‍ മന്ത്രം ചൊല്ലും
മതങ്ങളന്നില്ലാ
കക്ഷിരാഷ്ട്രീയ കലാപമില്ലാ
കത്തിയേറില്ലാ
കത്തിയേറില്ലാ (മാവേലി )


ധനവും ധാന്യവുമൊരുപോലേ
മനുഷ്യരൊരു പോലേ
ധനവും ധാന്യവുമൊരുപോലേ
മനുഷ്യരൊരു പോലേ - അന്ന്
പൊന്നു കായ്ക്കും കേരളത്തില്‍
എന്നും തിരുവോണം
എന്നും തിരുവോണം (മാവേലി )