വേളിക്കുന്നില്‍ പള്ളിമഞ്ചല് (ഉമ്മിണിത്തങ്ക )
This page was generated on March 28, 2024, 5:47 pm UTC
വിശദവിവരങ്ങള്‍
വര്‍ഷം 1961
സംഗീതംവി ദക്ഷിണാമൂർത്തി
ഗാനരചനപി ഭാസ്കരന്‍
ഗായകര്‍പി ലീല
രാഗംലഭ്യമല്ല
അഭിനേതാക്കള്‍പദ്മിനി ,രാഗിണി
ഗാനത്തിന്റെ വരികള്‍
Last Modified: February 29 2012 14:55:49.
വേളിക്കുന്നില്‍ പള്ളിമഞ്ചല്
മൂളിവരുന്നതു കണ്ടില്ലേ?
മഞ്ചലിലേറി നിന്നെക്കാണാന്‍
മലരമ്പന്‍ വരുമല്ലോ ഒരു
മലരമ്പന്‍ വരുമല്ലോ
വേളിക്കുന്നില്‍.......


മയങ്ങിടാതെ കുണുങ്ങിടാതെ
മണവാട്ടി ചമയേണം
മയ്യെഴുതേണം പൂങ്കവിളിങ്കല്‍
മഞ്ഞളുനന്നായണിയേണം
വേളിക്കുന്നില്‍.....

കാര്‍മുടികോതി പൂവുകള്‍ ചൂടി
കാതില്‍ തോടകളണിയേണം
മോതിരമാ‍ല പൊന്‍ കൊരലാരം
മോടിയില്‍ മാറിതിലണിയേണം
വേളിക്കുന്നില്‍.......

കസവിന്‍ കവിണിയുടുക്കേണം ഒരു
കനകവിളക്കു കൊളുത്തേണം
താംബൂലത്തിന് വെറ്റില വെള്ളി-
ത്താമ്പാളത്തിലൊരുക്കേണം
വേളിക്കുന്നില്‍........



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts