കണ്ണിൽ വിടരും (കപ്പേള )
This page was generated on March 29, 2024, 11:35 am UTC
വിശദവിവരങ്ങള്‍
വര്‍ഷം 2020
സംഗീതംസുശിൻ ശ്യാം
ഗാനരചനവിഷ്ണു ശോഭന
ഗായകര്‍സൂരജ് സന്തോഷ് ,ശ്വേത മോഹൻ
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: June 30 2020 09:38:06.
കണ്ണിൽ വിടരും രാത്താരങ്ങൾ നീയേ
മണ്ണിൽ പുലരും പൂക്കാലങ്ങൾ നീയേ
നെറുകിൽ പടരാൻ ഉയിരു കൊണ്ട മഴയോ
കിളികൾ പറയാതിതൾ വിരിഞ്ഞ കഥയോ
പുഴകളോ വഴികളോ തിര തൊടുന്ന പുതിയ കരകളോ

കനവായ് തെളിയും രാത്താരം ഞാനാകാം
തളിരായ്‌ നിറയും പൂക്കാലം ഞാനാകാം
നെറുകിൽ പടരാൻ ഉയിരുകൊണ്ട മഴ ഞാൻ
കിളികൾ പറയാതിതൾ വിരിഞ്ഞ കഥ ഞാൻ
ഇളവെയിൽ ചിറകുമായി കുളിരു തുന്നും ഇണകളായ് നാം

നഖമുനയോരോന്നിൽ ഉതിരാ നിറമായ്
മഴയുടെ ചുവരിൽ ശലഭങ്ങൾ പോൽ നീ
നഖമുനയോരോന്നിൽ ഉതിരാ നിറമായ്
മഴയുടെ ചുവരിൽ ശലഭങ്ങൾ പോൽ നീ
തെരുവിൽ വർണ്ണങ്ങൾ തേടുമ്പോൾ
പരവശമായ് പടരും ചെടി തൻ
തളിരിലകളിലൊന്നാെകെ പൂവായ് ചേരും
ഉടലതിലാവോളം അലസ മയൂരങ്ങൾ
പുതുമഴ നോൽക്കുന്നീ നിമിഷങ്ങളിൽ
ആഘോഷത്തിൻ ആവേശപ്പടവുകളിൽ
ആകാശങ്ങൾ മിന്നുന്നു കാണാക്കയ്യിൽ കാറ്റോലം പോലെ

കണ്ണിൽ വിടരും രാത്താരങ്ങൾ നീയായ്
മണ്ണിൽ പുലരും പൂക്കാലങ്ങൾ നീയായ്
നെറുകിൽ പടരാൻ ഉയിരു കൊണ്ട മഴയിൽ
കിളികൾ പറയാതിതൾ വിരിഞ്ഞ കഥയിൽ
പുഴകളായ് വഴികളായ് തിര തൊടുന്ന പുതിയ കരകളായ്
malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts