Last Modified: May 02 2020 10:34:58.
ഘനസംഘമിടയുന്ന തനുകാന്തി തൊഴുന്നേൻ
അണിതിങ്കൾക്കല ചൂടും പുരിജട തൊഴുന്നേൻ
ദുഷ്ടരാമസുരരെ ദഹിക്കും തീ ജ്വലിക്കും
പടുകണ്മിഴി മൂന്നും നിടിലവും തൊഴുന്നേൻ
മുടിതൊട്ടങ്ങടിയോളം ഉടൽ കണ്ടു തൊഴുന്നേൻ
മുടങ്ങാതെ ഭഗവതിയെ ദിവസം കൈ തൊഴുന്നേൻ
ഭൂലോകം നടുങ്ങുന്ന തിരുനൃത്തം തൊഴുന്നേൻ
കോമരമിളകുന്ന ചിലമ്പൊലി തൊഴുന്നേൻ
ഇക്കണ്ട ഭുവനം കാത്തെഴും നാഥേ തൊഴുന്നേൻ
ചൊൽക്കൊണ്ട തിരുമാന്ധാംകുന്നിലമ്മേ തൊഴുന്നേൻ.