Last Modified: March 16 2014 07:00:29.

ഷാരോണ്‍ വനിയിൽ സായന്തനമേ
താഴുവതെന്തേ.....
താരാലിപികൾ മേഘാവലിയിൽ
മായുവതെന്തേ...
ഓ ദൂരേ ദൂരേ വാനിൻ കോണിലേതോ-
രാവിൻ നീഹാരാർദ്ര മൗനം
ഇന്നേദനിൽ വേനലാളുന്നുവോ...
എൻ പാതകൾ ഇലവീണു മൂടുന്നുവോ..
രാവിലാഴങ്ങളിൽ മൗനങ്ങളായ്
നീറുന്നുവോ...ചൂഴുന്നുവോ...
ഷാരോണ്‍ വനിയിൽ സായന്തനമേ
താഴുവതെന്തേ....
ഓ ദൂരേ ദൂരേ വാനിൻ കോണിലേതോ-
രാവിൻ നീഹാരാർദ്ര മൗനം...

വേർപാടിൻ ശ്യാമരാഗംപോൽ
ആത്മാവിൽ നോവുമായീ താഴ്‌വാരം നിൽക്കുകയായി
ഒലീവിന്റെ പൂക്കൾക്കുള്ളിൽ നിലാവിന്റെ കണ്ണീർത്തുള്ളി
ദിവാസ്വപ്നലോകം മാഞ്ഞു നിന്നെ കാണാതെ
ഇന്നേദനിൽ വേനലാളുന്നുവോ...
എൻ പാതകൾ ഇലവീണു മൂടുന്നുവോ..
രാവിലാഴങ്ങളിൽ മൗനങ്ങളായ്
നീറുന്നുവോ...ചൂഴുന്നുവോ...

ഷാരോണ്‍ വനിയിൽ സായന്തനമേ
താഴുവതെന്തേ....
ഓ ദൂരേ ദൂരേ വാനിൻ കോണിലേതോ-
രാവിൻ നീഹാരാർദ്ര മൗനം....