Last Modified: August 12 2020 06:52:43.
വിരിഞ്ഞ മലരിതളിൽ വന്നണയും മധുരസംഗമം
തുടുത്ത മണിക്കവിളിൽ തെളിഞ്ഞുമിന്നും പ്രണയകുങ്കുമം
(വിരിഞ്ഞ...)
നീലമിഴിയിണയിൽ എഴുതിവെച്ച കാമലേഖനം - 2
വിരിഞ്ഞ മലരിതളിൽ വന്നണയും മധുരസംഗമം
തുടുത്ത മണിക്കവിളിൽ തെളിഞ്ഞുമിന്നും പ്രണയകുങ്കുമം

മാനസവീണമീട്ടി പാടുമോ നീ പ്രേമഗായകാ
മാദകമേനിയൊന്നു പുൽകുമോ നീ ദേവനായകാ
(മാനസവീണമീട്ടി...)
ഹൃദയപാനപാത്രമൊന്നു നീയൊന്നാസ്വദി‌യ്‌ക്കുമോ
പുളകമാലചാർത്തി എന്നെയിന്നു സ്വീകരിയ്‌ക്കുമോ
(വിരിഞ്ഞ...)

ജീവിതവാടികയിൽ പൂവിതളോ മന്ദഹാസമോ
കാമുകമാനസത്തിൽ തേനലയോ രാഗധാരയോ
(ജീവിതവാടികയിൽ...)
മൃദുലപുഷ്പശയ്യ ഞാൻ വിരിയ്‌ക്കാം വന്നണയൂ നീ
മദനകേളിയാടാൻ എന്നരികിൽ വന്നണയൂ നീ
(വിരിഞ്ഞ...)