Last Modified: October 08 2012 05:24:25.
 
ആലോലം തേടുന്ന കണ്ണിനും
ആനന്ദം പകരുന്ന സുന്ദരി
ആരാരോ പൊള്ളിച്ച നെഞ്ചിലും
ആശ്വാസം ചൊരിയുന്ന കണ്മണി
വരളുന്നതീരമെന്‍ മൃദുമെയ്‌ തലോടുവാന്‍
തിരയാടി വന്നൊരെന്‍ കുളിരായി മാറി നീ
പ്രേമിച്ചു തീരുവാന്‍ ജന്മത്തിനാകുമോ
(ആലോലം )

സുഖനഖമുള്ള നിന്‍ കുറുമ്പുകളിന്നെന്‍
തളിരിളം മേനിയില്‍ കളമെഴുതിയില്ലേ
കളകളമോടെ നീ ഇണങ്ങിയ നേരം
കനവിനു കൈകളോ നിരവധിയല്ലേ
കൊതി പവനാക്കിയെന്‍ പ്രേമമാനസം
പുതിയ പൊന്‍നൂലിലായു് നെയ്തു ജീവിതം
(ആലോലം )

ജലമണി പോലെ നിന്‍ ചിലമ്പുകളെന്നില്‍
പലപല തോന്നലായി ചിതറിയ പോലെ
നിനവിലലിഞ്ഞു നിന്‍ കണിക്കതിരെന്നിൽ
പുതുപുതുമിന്നുമായു് അരികെയിന്നില്ലേ
ചിരിയണിച്ചുണ്ടിലോ കോരിവാങ്ങി ഞാന്‍
ഇവളുടെ ഈണമായു് പെയ്യുമീ സ്വരം
(ആലോലം )