| വിശദവിവരങ്ങള്‍ | |
| വര്‍ഷം | 2000 |
| സംഗീതം | എ ബി മുരളി |
| ഗാനരചന | എസ്‌ രമേശന്‍ നായര്‍ |
| ഗായകര്‍ | സന്തോഷ്‌ കേശവ്‌ |
| രാഗം | ലഭ്യമല്ല |
| അഭിനേതാക്കള്‍ | ലഭ്യമല്ല |
| ഗാനത്തിന്റെ വരികള്‍ | |
|
Last Modified: February 29 2012 14:58:25.
സ്നേഹം തളിരിലകളിലതു ഹരിതകഭാവം ഓരോ കുളിരലയിലുമതു നദിയുടെ ഗീതം മഴയുടെ ശ്രുതി പൊഴിയും മനസ്സുകളതില്‍ മുഴുകും പ്രകൃതി പുരുഷ ഹൃദയലയനമായ്.... സ്നേഹം തളിരിലകളിലതു ഹരിതകഭാവം ഓരോ കുളിരലയിലുമതു നദിയുടെ ഗീതം പാഴ്മുളംതണ്ടിനെ കാറ്റുണര്‍ത്തും പാട്ടിന്റെ പാല്‍ക്കടലതില്‍ നിറയും പൂക്കളില്‍ തേനുണ്ടു വണ്ടുറങ്ങും പുഴകള്‍ ചെന്നാഴിയില്‍ ചേര്‍ന്നിണങ്ങും തനിയേ നില്‍ക്കുന്നീലൊന്നും തരളമാം സ്നേഹമാണെങ്ങും ശലഭത്തിന്‍ ചിറകടിപോൽ ഹൃദയങ്ങള്‍ മന്ത്രിക്കും ശാശ്വതം ഈ ലോകസത്യം സ്നേഹം തളിരിലകളിലതു ഹരിതകഭാവം ഓരോ കുളിരലയിലുമതു നദിയുടെ ഗീതം മണ്ണിനെ പുല്‍കുന്ന വിണ്ണിനില്ലേ മാരിവില്‍ ചന്തമായ് ഏഴു വര്‍ണ്ണം മലരിട്ടു നില്‍ക്കുന്ന വല്ലികള്‍ക്കോ മഹനീയ സുന്ദര മാതൃഭാവം പിരിയാന്‍ പോകുന്നീലൊന്നും ഒരുമതന്‍ മധുരമാണെന്നും ഇഴനെയ്യും ബന്ധങ്ങളിലിതൾ വിരിയും ഗന്ധങ്ങളില്‍ ഈ സ്നേഹ ഗീതം താരാട്ടു പോലെ.... (സ്നേഹം.....) |
|