Last Modified: February 29 2012 14:54:48.
 
ചിറകു വീശി അകലുമേതോ
പറവ പോലെ പകലൊളി മായുകയായ്
വിജനതേ ഇനിയുമെന്നിൽ
വയലിൻ സിരകൾ ഉണരുമോ വെറുതേ

ഓർമ്മകൾ മറവികൾ ...
ജാലകവിരികളിൽ നിഴലായിളകുന്നു
മൗനമുടഞ്ഞൊരു മൺപാവകൾ പോൽ അരികിലുറങ്ങുന്നു
എവിടെയോ ഇലകൾ തോറും
ശിശിര രാവിൻ മിഴിനീരടരുന്നു

ഏകാകിതയുടെ ആഴമുറഞ്ഞൊരു
കടലിൻ വിരിമാറിൽ
സ്വപ്നത്തിന്റെ മുകിൽ ചിറകുള്ളൊരു കപ്പലണഞ്ഞെങ്കിൽ
വിവശമീ ഇരുളിലൂറും ഹിമകണങ്ങൾ പകലിൽ മാഞ്ഞിടുമോ
(ചിറകു വീശി..)