Last Modified: February 29 2012 14:54:45.
 
നാട്ടുവഴിയിലെ കാറ്റു മൂളണ പാട്ടു കേട്ടില്ലേ
നല്ല കദളിക്കൂമ്പിനുള്ളിലെ തേൻ കുടിച്ചില്ലേ
കൊതിയൂറി നിന്നില്ലേ
കണ്ണാരം പൊത്തിയൊളിച്ചും പുന്നാരം കണ്ടു പിടിച്ചും
ആഞ്ഞിലിമൂട്ടിലൊളിച്ചു കളിച്ചില്ലേ ഈ
(നാട്ടുവഴിയിലെ....)

ചെമ്മുകിലാടയണിഞ്ഞൊരു മാനം പുഞ്ചിരി തന്നില്ലേ
ചന്ദ്ര നിലാവിലലിഞ്ഞൊരു രാവിൻ ചന്തമുറഞ്ഞില്ലേ
കണ്ണാന്തളിക്കാവിൽ കളിയാട്ടം കണ്ടില്ലേ
മഞ്ചാടി പല്ലാങ്കുഴി കൊണ്ടു നടന്നില്ലേ
കതിരോലകളായി മദിച്ചു രസിക്കണ പാടം പൂത്തില്ലേ
(നാട്ടുവഴിയിലെ....)

മഞ്ഞല മാഞ്ഞു വരും മഴയോ മുടി മാടിയൊതുക്കീല്ലേ
പാദസരങ്ങളണിഞ്ഞൊരു പൂമ്പുഴ മാടി വിളിച്ചില്ലേ
ചുണ്ടിൽ ചിരി ചോരും അരിമുല്ലപ്പെൺകൊടിയേ
പാവാടപ്രായം പതിനേഴു കഴിഞ്ഞില്ലേ
പുകിലാടിയ വേനലുഴിഞ്ഞു മറഞ്ഞതുമാരുമറിഞ്ഞില്ലേ ഈ
(നാട്ടുവഴിയിലെ....)