Last Modified: February 29 2012 14:54:28.
 
(സ്ത്രീ) ഗാനം പകര്‍ന്നയെന്‍ മതിമോഹനാ - എന്‍
പ്രണയദമാനസേ
(ഗാനം)

(സ്ത്രീ) ജീവിതയമുനാതീരേ വരു നീ
ഉള്ളം കവരും മുരളിയുമായു്
രാഗലോലം ആനന്ദശീലനായു്
ആശയേകി ആദ്യമായി ദേവാ
(ഗാനം)

(പു) എന്‍ ഹൃദയമുരളികയെ പ്രേമഗാന -
മയമാക്കും അനുരാഗരാധികേ
എന്‍ മനതാരില്‍ ഭാവം എന്നും ഇനി
നീയാണെന്‍ ചേതോഹരേ

(സ്ത്രീ) പരിമളവും പേറിവരും മാരുതനെന്നും
പറയുന്നു ജീവിതഭാഗ്യം നേടുവാന്‍
ജീവിതഭാവുകമീ ഭുവനേ
നീയാണെന്‍ ജീവേശ്വരാ

(പു) പ്രേമനിലാവില്‍ കളിയാടി
(സ്ത്രീ) നാമേ പാരില്‍ ആനന്ദം നേടുവോര്‍
കാന്തിയാര്‍ന്നു ശാന്തി ചേര്‍ന്നു ദേവാ
(ഗാനം)

(പു) നാമേ പാരില്‍ ആനന്ദം നേടുവോര്‍
കാന്തിയാര്‍ന്നു ശാന്തി ചേര്‍ന്നു ദേവീ
ഗാനം പകര്‍ന്നയെന്‍ മതിമോഹിനീ
(സ്ത്രീ) എന്‍ മതിമോഹനാ