വിശദവിവരങ്ങള് | |
വര്ഷം | 2010 |
സംഗീതം | എസ് ജയന് ,രമേശ് ശശി |
ഗാനരചന | പ്രഭാകരന് മുതന ,ഹരികൃഷ്ണന് വള്ളിക്കാവ് |
ഗായകര് | എം ജി ശ്രീകുമാർ ,സുജാത മോഹൻ |
രാഗം | ലഭ്യമല്ല |
അഭിനേതാക്കള് | വരുണ് ജെ തിലക് ,സോണിയ |
ഗാനത്തിന്റെ വരികള് | |
Last Modified: February 29 2012 14:54:06.
മഞ്ചാടിക്കൊമ്പിലുറങ്ങും കള്ളിപ്പൂങ്കുയിലേ ചെമ്പാവിന് പാടംപൂത്തെടി ആകാശച്ചെരുവില് പുലരിപ്പൂവെട്ടം വീണെടാ കള്ളക്കാര്വർണ്ണാ ചെമ്മാനം പുഞ്ചിരിച്ചെടാ കരുമാടിക്കുട്ടാ.... നിന്റെ നീലപ്പീലിക്കണ്ണു തുറക്കെടി കാര്കൂന്തല് കോതി മിനുക്കെടി മാനോടും മലയുടെ മേലേ കാഴ്ചകള് കാണാന് മുള പാടും മലയിലെ വര്ണ്ണക്കാഴ്ചകള് കാണാന് മഞ്ചാടിക്കൊമ്പിലുറങ്ങും കള്ളിപ്പൂങ്കുയിലേ ചെമ്മാനം പുഞ്ചിരിച്ചെടാ കരുമാടിക്കുട്ടാ... തളിര് വെറ്റില തിന്നു ചുവന്നൊരു ചുണ്ടത്തു കുങ്കുമമോ ചെങ്കദളിക്കൂമ്പില് കിനിയും തേന് കണമോ.. കളിവാക്കുകള് ചൊല്ലും ചുണ്ടാല് മധുരം നീ പകരുമ്പോള് കുളിരേകും പുതുമഴയായ് ഞാന് പൊഴിഞ്ഞു വീഴാം മന്ദാരം വിടരും കവിളില് നാണത്തിന് അരുണിമയോ മലരമ്പെകളെയ്യും കണ്ണില് കളിയാട്ടമോ നീലാമ്പല് പൂക്കും കണ്ണില് വാർതിങ്കളോ പുലരിപ്പൂവെട്ടം വീണെടാ കള്ളക്കാര്വർണ്ണാ ചെമ്പാവിന് പാടംപൂത്തെടി ആകാശച്ചെരുവില് ശരറാന്തല് എരിയുംരാവില് അരികില് നീ എത്തുമ്പോള് ജയദേവഗാനം നിന്റെ കാതില് ഞാന് ചൊല്ലീടാം ഗന്ധർവ്വഗീതം പോലെ നീ പാടിയ പാട്ടുകളെല്ലാം എന് ജീവമന്ത്രം പോലെ ഓർത്തുവെയ്ക്കാം .. പ്രാവിണകള് കുറുകിപ്പാടും ശ്രുതിതാളം മുറുകുമ്പോള് പണ്ടത്തെ പാട്ടിന് രാഗം ഒരു മാത്ര മൂളാമോ ഒരു ദേവരാഗം പോലെ അലിഞ്ഞു ചേരാം ..... (മഞ്ചാടിക്കൊമ്പിലുറങ്ങും കള്ളിപ്പൂങ്കുയിലേ.....) |