Last Modified: July 10 2013 04:25:09.

കളകള കളകള സർക്കാർ കോളനി
ആകെ ബഹളമയം
പളപള പളപള മിന്നണ നോട്ടിനു വേണ്ടി
കടിപിടി വെപ്രാളം
കെട്ടിപ്പിടിയുടെ കോപ്രായം
ഇതു തട്ടിപ്പിൻ പുതു പര്യായം
പട്ടാപ്പകലീ പോക്കറ്റിൽ
പുതു വേട്ട നടത്തണ ലുട്ടാപ്പീ
കുട്ടിക്കളിയല്ലുദ്യോഗം
ഇതു പൊതുജനസേവനം...(2)

കിട്ടിയ ജോലികളാലെ ജനത്തിനെ
വട്ടു കളിപ്പിക്കല്ലേ...
ചീട്ടു കളിക്കും മൂട്ടകളേ
ഇടി വെട്ടി മരിക്കല്ലേ...
(കിട്ടിയ...)
സർക്കാർ ഫയലുകൾ കൂമ്പാരം
കൂർക്കം വലിയോ ഗംഭീരം
കട്ടപ്പുകയാണയ്യയ്യോ
ഈ മട്ടിൽ പോയാലീ രാജ്യം..
സൂത്രപ്പണിയല്ലുദ്യോഗം
ഇതു പൊതുജനസേവനം...(2)

പൊട്ടക്കുളമിതിൽ രാജാവാകാൻ
വട്ടാന്മാരുടെ അംഗം
സീറ്റിൽ ഇരിക്കാതോടി നടക്കും
പാറ്റയ്ക്കതിമോഹം...
(പൊട്ടക്കുളമിതിൽ...)
വെറുതേ മോങ്ങണ മരമാക്രി
ഇവരീ നാട്ടിലെ ഗജപോക്രി
സർക്കാർ ശമ്പളം എണ്ണാനായി
സർക്കസു കാട്ടണ റപ്പായി
പമ്മിക്കളിയല്ലുദ്യോഗം
ഇതു പൊതുജനസേവനം...(2)
(കളകള കളകള....)