വെള്ളത്താമര[തിരിച്ചടിയിൽ നിന്നുള്ള പുനരാലാപനം] (പ്രാദേശികവാര്‍ത്തകള്‍ )
This page was generated on June 24, 2024, 10:49 pm UTC
വിശദവിവരങ്ങള്‍
വര്‍ഷം 1989
സംഗീതംആര്‍ സുദര്‍ശനം
ഗാനരചനവയലാര്‍ രാമവര്‍മ്മ
ഗായകര്‍കെ ജെ യേശുദാസ് ,പി സുശീല
രാഗംലഭ്യമല്ല
അഭിനേതാക്കള്‍ജയറാം ,പാർവ്വതി
ഗാനത്തിന്റെ വരികള്‍
Last Modified: February 29 2012 14:53:42.
 
വെള്ളത്താമരമൊട്ടു പോലെ
വെള്ളക്കൽ പ്രതിമ പോലെ
കുളിക്കാനിറങ്ങിയ പെണ്ണെ നിന്റെ
കൂടെ ഞാനും വന്നോട്ടേ
ആരെങ്കിലും വന്നാലോ
കണ്ടു ചിരിച്ചാലോ അതു
കണ്ടു ചിരിച്ചാലോ
(വെള്ളത്താമരമൊട്ടു ...)

നാണം കുണുങ്ങും കാളിന്ദിയാറ്റിൽ
നീയൊരു നീരാടും രാധ (2)
ആലുംകൊമ്പിൽ കുഴലൂതും
അങ്ങെന്റെ കാമുകൻ കണ്ണൻ
അങ്ങെന്റെ കാമുകൻ കണ്ണൻ
(വെള്ളത്താമരമൊട്ടു ...)

ചന്ദനക്കല്ലിലഴിച്ചു വെച്ചൊരു
ചേലയാരെടുത്തു ചേലയാരെടുത്തു
ഞാനെടുത്തു അതു ഞാനെടുത്തു
പട്ടുചേല തിരിച്ചു തരൂ
പകരം നീയെന്തു തരും (2)
ആരെങ്കിലും വന്നാലോ
കണ്ടു ചിരിച്ചാലോ അതു
കണ്ടു ചിരിച്ചാലോ
(വെള്ളത്താമരമൊട്ടു ...)

അർദ്ധനഗ്നാംഗിയായ്
അരനീർ വെള്ളത്തിൽ
അല്ലിപ്പൂ നുള്ളുമ്പോൾ (2)
പുഴയിലെയോളങ്ങൾ നെയ്തു തരും
പുത്തൻചേല പൂഞ്ചേല (2)
(വെള്ളത്താമരമൊട്ടു ...)



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts