ഒന്നു തൊട്ടേനേ നിന്നെ [യുഗ്മഗാനം] (ശ്രദ്ധ )
This page was generated on March 29, 2024, 6:17 am UTC
വിശദവിവരങ്ങള്‍
വര്‍ഷം 2000
സംഗീതംഭരദ്വാജ്‌
ഗാനരചനഗിരീഷ് പുത്തഞ്ചേരി
ഗായകര്‍എം ജി ശ്രീകുമാർ ,കെ എസ് ചിത്ര
രാഗംലഭ്യമല്ല
അഭിനേതാക്കള്‍മോഹന്‍ ലാല്‍ ,അഭിരാമി
ഗാനത്തിന്റെ വരികള്‍
Last Modified: February 29 2012 14:53:39.

ഒന്നു തൊട്ടേനേ
നിന്നെ തൊട്ടേനേ
തൊട്ട് കണ്ണിൽ വെച്ച് കൂടെ പോന്നേനേ
മഴ നനഞ്ഞ നിലാവിനെ മെല്ലെ
മകരമഞ്ഞു തലോടുന്ന പോലെ
ഒരു പാട്ടായ് ഒരു കൂട്ടായ്
ഒരു കാറ്റായ് കാതിൽ മുത്തവേ
(ഒന്നു തൊട്ടേനേ..)

ഒരിയ്ക്കലീറനാം ലാവോലും രാവത്ത്
മിനുങ്ങും മിന്നലായ് മിന്നി ഞാനിന്നലെ
മണലാഴിക്കാറ്റിൽ മെല്ലെപ്പമ്മിപ്പമ്മിപ്പാറും നേരം
മുകിലായ് നീയെന്നെ പുൽകീലേ
കണ്ണാടിത്തൂവൽത്തുമ്പിൽ കണ്ണിൻ നാളം പൊള്ളുമ്പോൾ
കവിളോരം മുത്തം തന്നില്ലേ
മാഞ്ഞു പോകുമീ മഞ്ഞഴകും തോർന്നു തീരുമീപ്പൊൻ വെയിലും
തെന്നലാട്ടുമീച്ചില്ലകളിൽ തേൻ തലോടുമീ മുല്ലകളും
ഒരു പാട്ടായ് ഒരു കൂട്ടായ്
ഒരു കാറ്റായ് കാതിൽ മുത്തവേ
(ഒന്നു തൊട്ടേനേ..)

ഒരിയക്കൽ നീയെന്റെ തേരോടും തീരത്ത്
തണുത്ത വാക്കിന്റെ താലിപ്പൂ കോർത്തീലേ
പിരിയാനും വയ്യാതേതോ മോഹത്തെ നിൻ മാറിൽച്ചാർത്തി
തളരാതെ താളം തുള്ളുമ്പോൾ
ഒരു വാക്കും മിണ്ടാതേതോ മാടപ്രാവായ് നീയെൻ മുന്നിൽ
അഴകേഴും വീശിപ്പാറുന്നു
കാലിച്ചിലമ്പിലെ മുത്തഴകും
കൺ തിളങ്ങുമീ മെയ്യഴകും
ചെമ്പനീരിൻ ചില്ലൊളിയും ചൈത്ര രാത്രി തൻ പാൽ മഴയും
ഒരു പാട്ടായ് ഒരു കൂട്ടായ്
ഒരു കാറ്റായ് കാതിൽ മുത്തവേ
(ഒന്നു തൊട്ടേനേ..)

malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts