Last Modified: February 29 2012 14:53:32.

പ്രണയനിലാവിന്റെ കുളിരുള്ള രാത്രിയിൽ
ഇരുളും വെളിച്ചവും ഇട കലർന്നു
ഹൃദയ വികാരങ്ങൾ പ്രിയമുള്ള പൂക്കളാൽ
ശലഭ സാന്നിധ്യവും കാത്തിരുന്നു
ഒരു പുഞ്ചിരിപ്പൂവു പോലെ വിഷാദവും
പതിവു പോൽ വന്നു പോയി ഓ..
പതിവു പോൽ വന്നു പോയി
(പ്രണയനിലാവിന്റെ..)

തുമ്പപ്പൂവുകൾ തോറും കിനാവിന്റെ തുമ്പികൾ നൃത്തമാടും
നീർത്ത തൂവൽ പോലെ ദൂരെ തീവണ്ടികൾ
വേച്ചു പോകും ഈ തീരങ്ങളിൽ
ഇരുളും വെളിച്ചവും ഇട കലർന്നെത്തവേ
തുടരുകയാണീ യാത്ര
തുടരുകയാണീ യാത്ര
(പ്രണയനിലാവിന്റെ..)

ആകാശവീഥിയാം പൊയ്കയിലോർമ്മകൾ
നീന്തുമീ ശ്യാമരാവിൽ
പൂർണ്ണേന്ദു ലേഖയാം പൂത്ത സ്വപ്നങ്ങളിൽ
കാണുന്നതാരെ ഈ രാവിൽ
യാത്രകൾ ജീവിതം പോലെ വിചിത്രമായ്
നേർത്തു പോകുന്നനുരാഗം
നിന്നെ ഓർത്തു പോകുന്നവിരാമം
(പ്രണയനിലാവിന്റെ..)