| വിശദവിവരങ്ങള്‍ | |
| വര്‍ഷം | 1993 |
| സംഗീതം | എം ജി രാധാകൃഷ്ണന്‍ |
| ഗാനരചന | മധു മുട്ടം |
| ഗായകര്‍ | കെ എസ് ചിത്ര |
| രാഗം | ലഭ്യമല്ല |
| അഭിനേതാക്കള്‍ | ലഭ്യമല്ല |
| ഗാനത്തിന്റെ വരികള്‍ | |
|
Last Modified: February 29 2012 14:52:42.
വരുവാനില്ലാരുമീ വഴിയെ ഇന്നൊരുനാളും അറിയാം അതെന്നാലുമെന്നും പ്രിയമുള്ളൊരാളാരോ വരുവാനുണ്ടെന്നു ഞാന്‍ വെറുതേ മോഹിക്കുമല്ലോ ഇന്നും വെറുതേ മോഹിക്കുമല്ലോ വഴിമാറി പൂക്കാലം പലവട്ടം പോയിട്ടും ഒരുനാളും പൂക്കാത്ത മാവില്‍ അതിനായി മാത്രം ഒരു നേരം ഋതു മാറി മധുമാസമണയാറുണ്ടല്ലോ വരുവാനില്ലാരും ഈ വിജനമാം എന്‍ വഴിക്കറിയാമതെന്നാലുമിന്നും വെളിവാതിലോളം ചെന്നകലത്താവഴിയാകെ മിഴി പാകി നില്‍ക്കാറുണ്ടല്ലോ മിഴി പാകി നില്‍ക്കാറുണ്ടല്ലോ പ്രിയമുള്ളൊരാളാരോ വരുവാനുണ്ടെന്നു ഞാന്‍ വെറുതെ മോഹിക്കാറുണ്ടല്ലോ വരുമെന്നു ചൊല്ലിപ്പിരിഞ്ഞുപോയില്ലാരും അറിയാമതെന്നാലുമെന്നും പതിവായി ഞാനെന്റെ പടിവാതിലെന്തിനോ പകുതിയേ ചാരാറുള്ളല്ലോ പ്രിയമുള്ളൊരാളാരോ വരുമെന്നു ഞാനിന്നും വെറുതേ മോഹിക്കുമല്ലൊ നിനയാത്ത നേരത്തെന്‍ പുറവാതിലില്‍ ഒരു പദവിന്യാസം കേട്ടപോലെ വരവായാലൊരുനാളും പിരിയാത്ത മധുമാസം ഒരു മാത്ര കൊണ്ടു വന്നെന്നോ ഇന്നൊരുമാത്ര കൊണ്ടുവന്നെന്നോ കൊതിയോടെ ഓടിച്ചെന്നുമ്മറപ്പടിയില്‍ നിന്നകലേക്കു നോക്കുന്ന നേരം വഴിതെറ്റി വന്നാരോ പകുതിക്കു വച്ചെന്റെ വഴിയേ തിരിച്ചു പോകുന്നു എന്റെ വഴിയേ.. തിരിച്ചു പോകുന്നു.. എന്റെ വഴിയേ.... തിരിച്ചു പോകുന്നു.... |
|