Last Modified: February 29 2012 14:52:22.
 
വരുമോ നീ വരുമോ
തങ്കക്കിനാക്കളും സങ്കല്പപ്പൂക്കളും
പൊന്‍കതിര്‍മണ്ഡപമൊരുക്കുമ്പോള്‍
ഹൃദന്തവൃന്ദാവനത്തിലെന്‍ പ്രിയ -
വസന്തദേവതേ വരുമോ നീ
(വരുമോ)

നിറപറയും വെച്ചു നിലവിളക്കും കോളുത്തി
നൈവേദ്യവുമായു് നില്‍ക്കുമ്പോള്‍
എന്‍ ശ്രീകോവിലിനുള്ളിലെ കര്‍പ്പൂര -
ദീപാരാധനയ്ക്കായു് വരുമോ
(വരുമോ)

മധുരവികാരമരാളനിരകള്‍
മാനസസരസ്സില്‍ നീന്തുമ്പോള്‍
രാസലീലകളാടാനെന്‍ പ്രിയ -
രാധയായു് നീ വരുമോ
(വരുമോ)

നാദസ്വരവും തായമ്പകയും
നാലമ്പലത്തില്‍ മുഴങ്ങുമ്പോള്‍
രാഗപയോധര കുംഭാഭിഷേക -
വാകച്ചാര്‍ത്തിനു വരുമോ നീ
(വരുമോ)