ആടുപാമ്പേ (മന്ത്രവാദി )
This page was generated on March 29, 2024, 12:59 pm UTC
വിശദവിവരങ്ങള്‍
വര്‍ഷം 1956
സംഗീതംബ്രദര്‍ ലക്ഷ്മണന്‍
ഗാനരചനതിരുനയിനാർകുറിച്ചി മാധവൻ നായർ
ഗായകര്‍കമുകറ പുരുഷോത്തമൻ
രാഗംലഭ്യമല്ല
അഭിനേതാക്കള്‍പ്രേം നസീര്‍ ,ടി എസ് മുത്തയ്യ ,ജോസ് പ്രകാശ് ,മിസ്സ് കുമാരി
ഗാനത്തിന്റെ വരികള്‍
Last Modified: February 29 2012 14:39:01.
 
ആടു പാമ്പേ ചുഴന്നാടു പാമ്പേ
ഞാന്‍ അരികിലണഞ്ഞേനൊന്നാടു പാമ്പേ

അഞ്ജിതമാം പത്തി വിരിച്ചാരുമാരും കാണവേ
നീ അന്‍പില്‍ വന്നു മുമ്പില്‍ നിന്നു ആടു പാമ്പേ

ആടു പാമ്പേ ചുഴന്നാടു പാമ്പേ
ഞാന്‍ അരികിലണഞ്ഞേനൊന്നാടു പാമ്പേ
(ആടു പാമ്പേ )

അന്നൊരു നാള്‍ നീയഴകില്‍ പത്തി വിരിച്ചു
മെല്ലേ ആടിക്കുഴഞ്ഞരികില്‍ എന്നെ വിളിച്ചു
(അന്നൊരു നാള്‍ )
അന്നു നമ്മള്‍ ജീവിതത്തില്‍ ഒന്നു കലര്‍ന്നു
പക്ഷെ ഇന്നതെല്ലാം എന്തു കൊണ്ടു നീ മറന്നു
സഖി നീ മറന്നു

ആടു പാമ്പേ കളിയാടു പാമ്പേ (2)
ആടു നീ കളിയാടു് നീ കളിയാടു്
ആടു ആടു ആടു നീ
ആ...
കളിയാടു പാമ്പേ

കാടുമലങ്കാവുകളില്‍ തേടി നടന്നേന്‍
കാട്ടില്‍ കാളികോവില്‍ തോറുമെത്ര ചുറ്റിയണഞ്ഞേന്‍
പ്രാണസഖി നിന്‍ വഴിയില്‍ പാടിയലഞ്ഞേന്‍
നിന്നെ കാണുവാനീ വേഷമെത്ര കെട്ടി വലഞ്ഞേന്‍

കഷ്ടമെത്രയായാലും വിട്ടുപിരിയാന്‍
നീ കട്ടുകൊണ്ടുപോയ ചിത്തം വിട്ടു തരിക
അ...
(കഷ്ടമെത്ര)
ഇഷ്ടമെന്നിലുണ്ടെങ്കില്‍ ഇന്നിതറിക
എന്നെയിട്ടുവലയ്ക്കാതെ മുന്നില്‍ ഒന്നു വരിക

ആടു പാമ്പേ കളിയാടു പാമ്പേ (2)
ആടു നീ കളിയുടു നീ കളിയാടു
ആടു ആടു ആടു നീ



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts