Last Modified: February 29 2012 14:51:42.

ലാ... ലല്ലലല്ലല്ലാ....
പഴയയുഗങ്ങള്‍ പണിതൊരു വഴിയില്‍
പദതാരിണയൂന്നി
പതിവിന്‍ പടിയായ് ജീവിതമങ്ങനെ
കൊതികൊള്ളുകയായി
കൊതികൊള്ളുകയായി

ചെറുകിടാങ്ങളേ മാമലനാട്ടിന്‍
അരുമബാലകന്മാരേ
തെരുവിലെച്ചിലിന്നിലകളുമായി
തിരയൂ നിങ്ങളതാകേ
അണയു ജീവിതച്ചുമടുമായിയാ
തണലണിത്തരുവിനു താഴേ
തണലണിത്തരുവിനു താഴേ
പണക്കാരനായ് അടുത്തു പൊന്നും
പരത്തി അരുണന്‍ നില്‍ക്കേ
മായാതിച്ചെറു കിനാക്കളെല്ലാം
മണ്ണിന്‍ മാറിലുലാവീടും
ഇതേമട്ടിലീ വെറും ജീവിതം
ഇങ്ങിനെയൊഴുകിപ്പോയീടും
ഇങ്ങിനെയൊഴുകിപ്പോയീടും...........