Last Modified: February 29 2012 14:50:59.

കമലദളം മൂടും കൗമാരം
കാര്‍മേഘം കൂടണയും മിഴിയോരം
തീരാദാഹം നൂറു താരദീപം
മൂകാവേശം സ്വപ്നനീലാകാശം
മദനനു വരം തരാം പ്രിയേ വരൂ നീ..
കളമൊഴി നീയാരോ കവിതകളാരാരോ
(കമലദളം മൂടും)

ഈ നിലാവില്‍ എന്‍റെ ഹൃയരാഗമായി വന്നു നീ
ഈ വസന്തരാവില്‍ എത്ര ചുംബനങ്ങള്‍ നല്‍കി നീ
രാഗം.. താനം.. രാവിന്‍ .. താളം..
മലരണിയുന്നു മാര്‍ഗ്ഗഴിക്കാടുകള്‍
മാലിനിയുടെ തീരവും ഒരു പൂവണിമഞ്ചം
(കമലദളം മൂടും)

വെണ്‍പിറാക്കള്‍ പൊന്‍കിനാക്കള്‍ തേരിറങ്ങും വീഥിയില്‍
മഞ്ജീരത്തിലെന്‍റെ ഹൃദയനാളമായി നിന്നു നീ
ഏതോ.. ഗാനം.. മൂളും.. യാമം..
ഇനിയൊരു ജന്മം പൂവിടും ഓര്‍മ്മയില്‍
ഈ നിശയുടെ പുളകവുമൊരു രാഗനികുഞ്ജം
(കമലദളം മൂടും)