മാനസവനികയിലേതോ [F] (സ്വപ്നഹള്ളിയില്‍ ഒരുനാള്‍ )
This page was generated on March 29, 2024, 1:38 am UTC
വിശദവിവരങ്ങള്‍
വര്‍ഷം 2002
സംഗീതംകാഞ്ഞങ്ങാട്‌ രാമചന്ദ്രന്‍
ഗാനരചനവി വിഷ്ണുദാസ്
ഗായകര്‍കെ എസ് ചിത്ര
രാഗംലഭ്യമല്ല
അഭിനേതാക്കള്‍ലഭ്യമല്ല
ഗാനത്തിന്റെ വരികള്‍
Last Modified: September 12 2012 06:42:06.

മാനസവനികയില്‍ ഏതോ മോഹപ്പൂവുകള്‍ വിടരുന്നു
നീലനിലാവില്‍ പാടത്തേതോ രാക്കിളി മൂളുന്നു...
എന്‍ നെഞ്ചില്‍....കൂടണയാന്‍...
കുളിര്‍മഴയില്‍....നീരാടാന്‍...
ഞാറ്റുവേലക്കാറ്റിലാടാം....
പോരൂ നീ അരികേ....
മാനസവനികയില്‍ ഏതോ മോഹപ്പൂവുകള്‍ വിടരുന്നു
നീലനിലാവില്‍ പാടത്തേതോ രാക്കിളി മൂളുന്നു......

നീയെന്റെ ജീവിത തംബുരു മീട്ടുകില്‍
വിരിയുമെന്‍ ഗന്ധര്‍വ്വയാമം....
(നീയെന്റെ ജീവിത...)
നിന്‍ മണിമാറില്‍ തലചായ്ച്ചുറങ്ങുമ്പോള്‍..
നിന്‍ മണിമാറില്‍ തലചായ്ച്ചുറങ്ങുമ്പോള്‍..
പ്രണയ സരോവരമാകുമല്ലൊ...
കാണാത്ത സ്വപ്നങ്ങള്‍ വസന്തത്തിന്‍ തേരേറി
മായാതെ മറയാതെ വന്നുവെങ്കില്‍....
പരിഭവമെല്ലാം അകലുമല്ലൊ....
മാനസവനികയില്‍ ഏതോ മോഹപ്പൂവുകള്‍ വിടരുന്നു
നീലനിലാവില്‍ പാടത്തേതോ രാക്കിളി മൂളുന്നു......

നീയെന്റെ ആത്മാവിന്‍ തിരിനാളമാവുകില്‍
തെളിയുമെന്‍ ജീവിതരേഖ....
(നീയെന്റെ ആത്മാവിന്‍...)
നിന്‍ സ്നേഹരാഗത്തില്‍ അലിയുവാനായെങ്കില്‍
നിന്‍ സ്നേഹരാഗത്തില്‍ അലിയുവാനായെങ്കില്‍
ജന്മം ധന്യമായ്ത്തീരുമല്ലോ....
വേനല്‍ക്കിനാവില്‍ ഞാന്‍ തളരുമ്പോള്‍ നീയെന്നും
മഴമേഘമായ് വന്നു പെയ്യുമെങ്കില്‍
ഹൃദയം പുളകം ചൂടുമല്ലൊ......
(മാനസ വനികയില്‍....)


 



malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts