Last Modified: December 20 2022 15:35:23.
കണ്ണനാരാരോ ഉണ്ണിക്കണ്മണിയാരാരോ
കണ്ണുനീർജന്മം താങ്ങും കൈകളിലാരാരോ
ഒരു തോളിൽ നീയെന്ന പുണ്യം - താനേ
തലചായ്ക്കും സൗഭാഗ്യം തേടുന്നെൻ മൗനം
എല്ലാം വിടചൊല്ലി അകലുന്നൊരേകാകീ 'ഗമനം'

(കണ്ണനാരാരോ)

നെഞ്ചിന്നുള്ളിൽ ഏതോ ഇരുൾമാളങ്ങൾ
കണ്ണിൽ നീളും സ്വന്തം നിഴൽനാളങ്ങൾ
കൊതിയോടെ നീ പോയ വഴിമാറിയോ
ഈ മാറിലിനിയും നീർപൂവിനിടമോ..

(കണ്ണനാരാരോ)

തീരാമോഹം ഒന്നായ് ഒരു കൂരയിൽ
ചേരാനോരോ നാളും കഴിയുമ്പൊഴും
ഇനി വീണ്ടും ഒരു ജന്മം അതിനേകുമോ
കാതങ്ങളിനിയും കാൽയാത്ര തുടരാം..!

(കണ്ണനാരാരോ)