Last Modified: September 29 2013 09:10:37.
പ്രേമരാഗം പാടിവന്നൊരു
പൊൻകിനാവിൻ ശാരികേ
(പ്രേമരാഗം....)
പാതിരാവിൻ കുളിരിൽ നിന്റെ
തൂവലിന്നു നനഞ്ഞുവോ
പ്രേമരാഗം പാടി വന്നൊരു
പൊൻകിനാവിൻ ശാരികേ

സിരകൾ നിറയും കുളിരിലെ മധുമയതാളം
ശിലകളിൽ രതിലയലഹരിയിലലിയും ഭാവം
(സിരകൾ നിറയും....)
പകരുമീ രജനിയിൽ മൃദുലവികാരം പൂവിടും
പ്രേമരാഗം പാടിവന്നൊരു
പൊൻകിനാവിൻ ശാരികേ

പുതുമഴ ചൊരിയും പുളകങ്ങൾ നുകരുന്നു ഭൂമി
കരളിലൊരൊളിമിന്നൽക്കൊടിപോലെ വിടരുമെൻ മോഹം
(പുതുമഴ.....)
ഇനിയീ രജനിയിൽ മധുരിമയാകാൻ നീ വരൂ
(പ്രേമരാഗം.....)