ഇന്നലെ ഞാനൊരു സ്വപ്നശലഭ (വിരുന്നുകാരി )
This page was generated on June 24, 2024, 8:51 pm UTC
വിശദവിവരങ്ങള്‍
വര്‍ഷം 1969
സംഗീതംഎം എസ്‌ ബാബുരാജ്‌
ഗാനരചനപി ഭാസ്കരന്‍
ഗായകര്‍സി ഒ ആന്റോ ,എസ് ജാനകി
രാഗംലഭ്യമല്ല
അഭിനേതാക്കള്‍മധു ,ജയഭാരതി
ഗാനത്തിന്റെ വരികള്‍
Last Modified: February 29 2012 14:38:03.


ഇന്നലെ ഞാനൊരു സ്വപ്നശലഭമായ് നിൻ
കണ്മിഴിത്താമരയിൽ കടന്നു വന്നു
അറിഞ്ഞുവോ സഖിയറിഞ്ഞുവോ
മാനസമോഹത്തിൻ മകരന്ദപാനപാത്രം
മാരൻ ചുണ്ടു കൊണ്ടു നുകർന്നപ്പോൾ
അറിഞ്ഞല്ലോ ഞാനുണർന്നല്ലോ (ഇന്നലെ...)

സങ്കല്പപുഷ്പവിമാനത്തിലേറി നാം
സന്ധ്യാംബരം നോക്കി പറന്നു പോയി
അറിഞ്ഞുവോ സഖിയറിഞ്ഞുവോ
ചന്ദ്രലേഖ തൻ ചന്ദനത്തോണിയിൽ നാം
സന്ധ്യായമുനയിൽ തുഴഞ്ഞു ചെന്നു
അറിഞ്ഞല്ലോ ഞാനറിഞ്ഞല്ലോ (ഇന്നലെ...)


കല്പന തന്നുടെ കദളീ വനത്തിൽ നീ
ഉദ്യാനലക്ഷ്മിയായ് കടന്നു വന്നൂ
അറിഞ്ഞുവോ സഖിയറിഞ്ഞുവോ
താമരവളയത്താൽ ഊഞ്ഞാലു കെട്ടിയെന്റെ
കാമുകനെന്നെയതിൽ പിടിച്ചിരുത്തി
അറിഞ്ഞല്ലോ ഞാനാടിയല്ലോ (ഇന്നലെ....)
malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts