മുറ്റത്തെമുല്ലതന്‍ (വിരുന്നുകാരി )
This page was generated on March 29, 2024, 12:44 am UTC
വിശദവിവരങ്ങള്‍
വര്‍ഷം 1969
സംഗീതംഎം എസ്‌ ബാബുരാജ്‌
ഗാനരചനപി ഭാസ്കരന്‍
ഗായകര്‍എസ് ജാനകി
രാഗംലഭ്യമല്ല
അഭിനേതാക്കള്‍ഷീല ,ജയഭാരതി ,അടൂര്‍ ഭവാനി ,കെ പി ഉമ്മർ
ഗാനത്തിന്റെ വരികള്‍
Last Modified: February 05 2018 16:31:03.



മുറ്റത്തെ മുല്ല തൻ മുത്താർക്കു മാലയിൽ
മുത്തോ വൈരമോ മാണിക്യമോ
മുത്തിയതും മണത്തതും ഞാനല്ല
ഉത്രാടത്തുമ്പിയും കൂട്ടുകാരും (മുറ്റത്തെ..)

മന്ദാരക്കാവിന്റെ മഞ്ഞണി നെറ്റിയിൽ
സിന്ദൂരക്കൂട്ടോ ചന്ദനമോ
ഉത്തരം ചൊല്ലാൻ ഞാനാളല്ല
പുത്തൻ വെയിലൊളി പറഞ്ഞേക്കും (മുറ്റത്തെ..)

കൈതപ്പൂവിൻ കാഞ്ചനച്ചെപ്പിൽ
കളഭക്കൂട്ടോ കസ്തൂരിയോ
വാരിവാരി തേച്ചവൾ ഞാനല്ലാ
വാരിളം തെന്നൽ മണിത്തെന്നൽ

മാതളക്കാടിൻ മരതകക്കുമ്പിളിൽ
മധുവോ പഴമോ മലർപ്പൊതിയോ
വിരുന്നിനു പോയവൾ ഞാനല്ലാ
വിറവാലൻ കുരുവി പൊൻ കുരുവി (മുറ്റത്തെ...)
malayalasangeetham.info | msidb.org | A Comprehensive Database of Malayalam Movies and Music
Contact the admin team for questions or concernts