Last Modified: February 29 2012 14:47:57.
 
വെളിച്ചം വിളക്കിനെ മറക്കുമീ സമസ്യയിൽ (2)
മനുഷ്യ ജന്മങ്ങൾ കാനൽ ജലരേഖകൾ
ബന്ധുരമാകും ബന്ധങ്ങൾ (2)
ബന്ധനങ്ങൾ വെറും പൊയ് വേഷങ്ങൾ
(വെളിച്ചം ......)

ഉദിക്കുന്ന സൂര്യന്റെ കിരണങ്ങൾ വിടർത്തും
ഊഴിയിൽ താമര മലർമൊട്ടുകൾ (2)
ആ പൊൻപരാഗത്തിൻ സ്നേഹ പ്രഭയിൽ
അനുഭൂതി ധന്യത ചൂടി നിൽക്കും (2)
ആ ദിവ്യബന്ധമേ നിത്യസത്യം (2)
ആപാദചൂഡം അഭിരാമം
(വെളിച്ചം ......)

ഇരുട്ടിന്റെ കരിമ്പടം താനേ മൂടും
പൗർണ്ണമി കാർമുകിൽ നിഴൽ മറയ്ക്കും (2)
ആ ശ്യാമ വർണ്ണത്താൽ ഭൂമിയാകെ
വേദന തൻ അശ്രുവർഷമാകും (2)
ആ സ്നേഹഭംഗമേ നിത്യ ശാപം (2)
ആത്മാവിലാളും തീനാളം
(വെളിച്ചം ......)