Last Modified: February 29 2012 14:38:03.


പാർവണരജനി തൻ പാനപാത്രത്തിൽ
പാലോ തേനോ പനിനീരോ
നമ്മളൊരുക്കിയ പ്രണയക്ഷേത്രത്തിൽ
നൈവേദ്യം പഴമോ ഇളനീരോ (പാർവണ...)

ഇന്നത്തെ രാത്രിയിൽ ഒഴുകിയെത്തും
ദിവ്യാനുരാഗത്തിൻ മന്ദാകിനി
ചൊല്ലട്ടെ ചൊല്ലട്ടെ ചോദ്യത്തിനുത്തരം
മുല്ലായുധക്കാവിൽ മദിരോത്സവം ഇന്നു
മുല്ലായുധക്കാവിൽ മദിരോത്സവം (പാർവണ...)


ഇന്നത്തെ രാത്രിയിലോടിയെത്തും
മന്ദാരസുഗന്ധിയാം മന്ദാനിലൻ
ചൊല്ലട്ടെ ചൊല്ലട്ടെ നമ്മുടെ ചോദ്യമായ്
സ്വർല്ലോക നന്ദന വനവീഥിയിൽ ഇന്നാ
സ്വർല്ലോക നന്ദന വനവീഥിയിൽ (പാർവണ...)